fbpx
Fréttir

Samfélag áhugafólks um leiðinlegar fótboltaupplýsingar blómstrar: „Brandari sem vatt upp á sig“

Óðinn Svan Óðinsson
Miðvikudaginn 13. júní 2018 19:00

Samsett mynd

Tæplega 5.000 manns eru nú í hóp á Facebook sem ber heitið: „Algjörlega óáhugaverðar fótboltaupplýsingar“ en þar deilir fólk bæði leiðinlegum og tilgangslausum upplýsingum um fótbolta. Stefán Pálsson, sagnfræðingur og einn af forsprökkum hópsins segir hann vera brandara sem vatt upp á sig.

„Ég hef mikinn áhuga á fótbolta og þá einkum ýmsum sérviskulegum hlutum. Fyrir vikið set ég oft Facebook-færslur um sitthvað tengt fótboltanum. Þetta þótti sumum ganga of langt og einhverju sinni gekk Kolbeinn, félagi minn, í að stofna þennan hóp með þeim orðum að ég gæti troðið öllum þessum óáhugaverðu fótboltaupplýsingum mínum þar. Þetta er í raun brandari sem vatt aldeilis upp á sig,“ segir Stefán í samtali við DV.

Stefán er nokkuð ánægður með þróunina á síðunni en segir mikilvægt að hún verði ekki vettvangur fyrir einhvern skoðanaskipti milli stuðningsmanna fótboltaliða. „Flestir ná upp í konseptið og skrifa um fáránlega langsótta og óáhugaverða hluti tengda fótboltanum – sem reynast svo fjári áhugaverðir þegar nánar er að gætt,“ segir Stefán.

Óhætt er að segja að sannkallað fótboltafár hafi gripið íslensku þjóðina og hefur hópurinn ekki farið varhluta af því. Stefán reiknar með góðu flæði óáhugaverða upplýsinga á næstu vikum. „Þetta er nú þegar farið á fullt og fólk er byrjað að hneykslast á innihaldsríkum fréttum af landsliðinu. Þegar mótið hefst fyrir alvöru trúi ég því að menn fari á flug og grafi upp kjúríosítet um keppnisliðin,“ segir Stefán að lokum.

Þeir sem hafa áhuga á því að ganga í þennan óáhugaverða hóp geta gerst meðlimir með því að smella hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 9 klukkutímum

Segir erfiðan vetur framundan fyrir íslensku flugfélögin – „Það er alls ekkert víst að þetta klikki“

Segir erfiðan vetur framundan fyrir íslensku flugfélögin – „Það er alls ekkert víst að þetta klikki“
Fréttir
Fyrir 10 klukkutímum
Síðustu orðin
Fréttir
Fyrir 10 klukkutímum

Morgunblaðið segir forystumenn verkalýðshreyfingarinnar ekki í takt við almenning

Morgunblaðið segir forystumenn verkalýðshreyfingarinnar ekki í takt við almenning
Fréttir
Fyrir 19 klukkutímum

Kolefnisútstreymi úr Kötlu segir ekkert til um hvort gos sé í aðsigi eða hve stórt það verður

Kolefnisútstreymi úr Kötlu segir ekkert til um hvort gos sé í aðsigi eða hve stórt það verður
Fréttir
Í gær

Lést eftir fall í Byko – „Þetta var hræðilegt slys“

Lést eftir fall í Byko – „Þetta var hræðilegt slys“
Fréttir
Í gær

„Þetta er ekki prentvilla! Er sú staðreynd ein og sér ekki næg ástæða til að grípa til aðgerða?“

„Þetta er ekki prentvilla! Er sú staðreynd ein og sér ekki næg ástæða til að grípa til aðgerða?“