Maðurinn sem segist vera með heimsins stærsta typpi segir það hafa eyðilagt leiklistarferilinn. Hinn 47 ára gamli Jonah Falcon, segir að félaginn sem telji heila 35 cm hafi orðið þess valdandi að enginn leikstjóri vilji vinna með honum.
Í þættinum The Morning sagði Falcon að sinn náttúrulegi limur hafi komið í veg fyrir að hann hefði orðið stjarna í Hollywood. „Fólk vill ekki ráða mig í stór hlutverk. Þetta er ömurlegt og neyðir mig til að vera bara í litlum hlutverkum. Það er möguleiki að ég fái vinnu í Bretlandi eða Þýskalandi, en í Hollywood er þetta mjög neikvætt,“ sagði Falcon.
Hann segir þetta þó ekki alslæmt, þetta hafi orðið til þess að margar frægar stjörnur hafi viljað sænga hjá honum. „Ég hef sofið hjá Óskarsverðlaunahöfum, en ég má ekki tala um það.“
Varðandi drjólann segir hann ekki bara vera langan heldur þykkan. „Hann er þykkari en úlnliðurinn minn.“
Núverandi methafi Guinness er þó Roberto Esquivel Cabrera sem kveðst vera með nærri 50 cm langan göndul. Falcon gefur þó lítið fyrir það og vitnar í sneiðmyndatökur sem teknar voru af Cabrera sem sýna að ef ekki sé tekið mið af forhúðinni sé hans aðeins um 20 cm.