Betur fór en á horfðist þegar ökumaður ók bifreið sinni utan í vegrið á Reykjanesbraut fyrr í vikunni með þeim afleiðingum að hún festist við vegriðið og var hún óökufær. Að sögn lögreglunnar á Suðurnesjum þurfti dráttarbifreið til að fjarlægja hana. Tveir voru í bifreiðinni og sluppu þeir án meiðsla. Ökumaður er grunaður um akstur undir áhrifum fíkniefna, að sögn lögreglu.
„Þá léku tveir ökumenn þann ljóta leik að aka á bifreiðir og stinga síðan af. Skráningarnúmer voru fjarlægð af fimm bifreiðum sem ýmist voru óskoðaðar eða ótryggðar,“ segir í dagbók lögreglunnar.