Það er ekkert lát á stórum og margvíslegum kosningaloforðum í Reykjavík. Sextán framboð verða á kjörseðli borgarbúa í vor og það vill enginn falla í skuggann á hinum. Sum kosningaloforðin eru gömul og hafa legið í loftinu í áraraðir á meðan önnur eru ný og jafnvel frumleg, eins og að láta Kópavog og Garðabæ borga fyrir brú frá Skerjafirði yfir á Álftanes. Það er hægara sagt en gert að ná utan um allt sem verið er að lofa og af því tilefni tók DV saman kort af höfuðborginni með þeim breytingum á borginni sem flokkarnir vilja.
Sjálfstæðisflokkurinn
15 þúsund manna byggð í Örfirisey.
Miðflokkurinn
Sundabraut frá Laugarnesi, framhjá Viðey og Grafarvogi, yfir Geldinganes og framhjá Mosfellsbæ.
Samfylkingin
Miklubraut í stokk.
Samfylkingin, Píratar, VG og Viðreisn
Flugvöllur úr Vatnsmýrinni og blandaða byggð.
Höfuðborgarlistinn
Brú yfir Skerjafjörð, yfir til Kársness og þaðan yfir á Álftanes. Kópavogur og Garðabær borga.
Frelsisflokkurinn
Úthverfi í Viðey.
Íslenska þjóðfylkingin og Frelsisflokkurinn (Borgin okkar – Reykjavík bættist í hópinn eftir að blaðið fór í prentun)
Enga mosku í Sogamýri.
Miðflokkurinn
Landspítalinn á Keldur.
Sjálfstæðisflokkurinn, Miðflokkurinn, Viðreisn og fleiri
Stóra byggð í Úlfarsárdal.
Samfylkingin, Sjálfstæðisflokkurinn, VG og Píratar
Ylströnd við Skarfaklett.
Samfylkingin, Píratar, VG og Viðreisn
Borgarlína.
Borgin okkar – Reykjavík
Hraðamyndavél í Álmgerði.
Sjálfstæðisflokkurinn
Samgöngumiðstöð í Kringlunni.