Alvarlegt umferðarslys varð í dag um klukkan 14:30 á Suðurlandsvegi við afleggjarann að Landeyjarhafnarvegi. Einn aðili lést við áreksturinn og þrír aðrir voru fluttir með þyrlu Landhelgisgæslunnar á slysadeild í Reykjavík.
Þetta kemur fram í tilkynningu frá lögreglunni á Suðurlandi.
Tildrög slyssins eru ókunn og vegna rannsóknar á vettvangi er Suðurlandsvegur lokaður um óákveðinn tíma.
Hjáleið er um gamla Suðurlandsveg og gengur umferð greiðlega. Frekari upplýsingar verða settar á vefinn um leið og hægt er.
