fbpx
Fréttir

Lífshættulegur hraðakstur og ógnandi framkoma í bílakjallara Hörpu: „Keyrðu á ofsahraða og röðuðu sér upp til að ógna okkur“

Ágúst Borgþór Sverrisson
Sunnudaginn 22. apríl 2018 13:55

Mannsöfnuður og kappakstur í bílakjallara undir tónlistarhúsinu Harpa hefur verið vandamál undanfarið og virðist fara vaxandi, á kvöldin og í skjóli nætur. Veldur þetta meðal annars starfsfólki í Hörpu óþægindum. Eftir atburði síðastliðinnar nætur í bílakjallaranum virðist ástandið þar jafnvel geta orðið lífshættulegt.

Þrjár konur sem voru við störf í Hörpu í nótt voru hætt komnar í bílakjallaranum er þær voru á leið heim úr vinnu. Var þetta á fjórða tímanum í nótt. Ein kvennanna ræddi við DV:

„Við þurfum að ganga að bílunum okkar og oft út í ruslageymslu og þá er maður í hættu þegar við erum að fara út, vegna þess að oft eru bílar á fleygiferð fram og aftur um alla bílageymsluna. Stór hópur stóð í vegi fyrir okkur þegar við reyndum að keyra út. Það var fjöldi manns samankominn þarna. Ég var farþegi í bílnum en sú sem keyrði varð svo hrædd að hún fór niður í neðri kjallara og hafði samband við öryggisvörð svo við kæmumst út. Öryggisvörðurinn reyndi síðan að skakka leikinn. Hann vildi helst leysa þetta sjálfur án aðkomu lögreglu, kannski til að leyna þessu, ég veit það ekki, en við erum orðnar langþreyttar á að vera í hættu við að komast að bílunum okkar þarna á nóttunni.“

Konan hefur haft samband við lögreglu vegna þessa ástands og vonast til þess að lögreglan fari að fylgjast með svæðinu. „Þeir voru svo ógnandi að maður þorði ekki að vera á planinu. Svo röðuðu þeir sér upp og reyndu að varna okkur útgöngu.“

Konan telur líklegt að eitthvað fleira misjafnt sé í gangi þarna í bílakjallaranum en eingöngu hraðakstur en hefur þó ekki sannanir fyrir því. „Það er hraðaksturinn og kappaksturinn sem er mest ógnandi því það er beinlínis hættulegt að vera þarna á nóttunni.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Veiktust báðar – „Ég var alltaf veik, hárið á mér var að hrynja af mér“

Veiktust báðar – „Ég var alltaf veik, hárið á mér var að hrynja af mér“
Fréttir
Í gær

Helga Rún lýsir grimmdinni í Reykjavík – Veik kona höfð að athlægi: „Ég sá að hún var pissublaut, vissi ekkert hvar hún væri eða hvað væri að gerast“

Helga Rún lýsir grimmdinni í Reykjavík – Veik kona höfð að athlægi: „Ég sá að hún var pissublaut, vissi ekkert hvar hún væri eða hvað væri að gerast“
Fréttir
Í gær

Dóttir Sifjar var vistuð í fangaklefa í geðrofi: „Erfiðasta sem ég hef upplifað að horfa upp á litlu stelpuna mína í þessum aðstæðum“

Dóttir Sifjar var vistuð í fangaklefa í geðrofi: „Erfiðasta sem ég hef upplifað að horfa upp á litlu stelpuna mína í þessum aðstæðum“
Fréttir
Í gær

Ugla segir samtökin boða að það sé betra að börn hugsanlega deyi en séu trans

Ugla segir samtökin boða að það sé betra að börn hugsanlega deyi en séu trans
Fyrir 2 dögum

Svarthöfði: Rimma mín við mannanafnanefnd

Svarthöfði: Rimma mín við mannanafnanefnd
Fréttir
Fyrir 2 dögum

Ekki hægt að auka kaupmátt launþega í næstu kjarasamningum

Ekki hægt að auka kaupmátt launþega í næstu kjarasamningum