fbpx
Fréttir

Safnar fyrir börnin í Jemen í minningu mömmu

Ritstjórn DV
Laugardaginn 21. apríl 2018 15:47

Hrafn Jökulsson forseti Hróksins og félagar undirbúa nú mikið afmælisár, en félagið var stofnað árið 1998. Gefum Hrafni orðið:

,,Næsta stórverkefni er skákmaraþon sem ég ætla að tefla 11. og 12. maí, í minningu mömmu, og safna þannig framlögum og áheitum í Neyðarsöfnun Fatimusjóðs og UNICEF í þágu barna í Jemen. Þar líða milljónir barna ólýsanlegar hörmungar. Ekkert land stóð hjarta mömmu nær, enda dvaldi hún þar við nám, og fór þangað með ótal Íslendinga.“

Þetta er hreint ekki í fyrsta sinn sem Hrafn teflir maraþon í þágu góðs málstaðar. Hverju vonast hann til að safna núna?

,,Vonandi einhverjum milljónum. Þar munar mest um litlu framlögin, eyri ekkjunnar eins og frelsarinn kallaði þann sem gefur mikið af litlu. En svo eru fyrirtæki og einstaklingar að leggja góða upphæð per skák. Íslandsbanki hefur þegar tilkynnt um 150 þúsund, Vignir S. Halldórsson framkvæmdastjóri MótX ætlar að snara fram 500 kall á skák, og sama gerir tryggingafélagið Vörður. Ég stefni að því að tefla 250 skákir, svo nú geturðu reiknað! En ég vona auðvitað að miklu fleiri fyrirtæki, einstaklingar og félög leggi lið. Lífið liggur við.“

Allt sem safnast fer óskert í neyðarsöfnunina. Enginn kostnaður fylgir, og Hrafn og félagar vinna að maraþoninu í sjálfboðavinnu.

Öllum er velkomið að skrá sig til leiks í skákmaraþoni Hrafns, sem verður frá 9-24, dagana 11. og 12. maí í Pakkhúsi Hróksins við Reykjavíkurhöfn. Netfang Hrafns er hrafnjokuls@hotmail.com

Þau sem vilja taka þátt í söfnuninni strax eru hér upplýsingar um Fatimusjóðinn:

Reikningsnúmer: 0512-04-250461 – Kennitala: 680808-0580

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Veiktust báðar – „Ég var alltaf veik, hárið á mér var að hrynja af mér“

Veiktust báðar – „Ég var alltaf veik, hárið á mér var að hrynja af mér“
Fréttir
Í gær

Helga Rún lýsir grimmdinni í Reykjavík – Veik kona höfð að athlægi: „Ég sá að hún var pissublaut, vissi ekkert hvar hún væri eða hvað væri að gerast“

Helga Rún lýsir grimmdinni í Reykjavík – Veik kona höfð að athlægi: „Ég sá að hún var pissublaut, vissi ekkert hvar hún væri eða hvað væri að gerast“
Fréttir
Í gær

Dóttir Sifjar var vistuð í fangaklefa í geðrofi: „Erfiðasta sem ég hef upplifað að horfa upp á litlu stelpuna mína í þessum aðstæðum“

Dóttir Sifjar var vistuð í fangaklefa í geðrofi: „Erfiðasta sem ég hef upplifað að horfa upp á litlu stelpuna mína í þessum aðstæðum“
Fréttir
Í gær

Ugla segir samtökin boða að það sé betra að börn hugsanlega deyi en séu trans

Ugla segir samtökin boða að það sé betra að börn hugsanlega deyi en séu trans
Fyrir 2 dögum

Svarthöfði: Rimma mín við mannanafnanefnd

Svarthöfði: Rimma mín við mannanafnanefnd
Fréttir
Fyrir 2 dögum

Ekki hægt að auka kaupmátt launþega í næstu kjarasamningum

Ekki hægt að auka kaupmátt launþega í næstu kjarasamningum