fbpx
Fréttir

Olíuvinnsla í Venesúela er í frjálsu falli – Eiga stærstu olíulindir heims

Kristján Kristjánsson
Laugardaginn 21. apríl 2018 08:00

Mynd: Wikimedia Commons

Stærstu olíulindir heims eru í Venesúela en undanfarin misseri hefur olíuvinnsla þar í landi dregist mikið saman en því má landið ekki við því efnahagur þess er vægast sagt í rúst. Frá því í febrúar 2016 hefur olíuvinnslan dregist saman um 35 prósent og hefur ekki verið minni í 33 ár. Ef sama þróun verður áfram verður framleiðslan komin niður í milljón tunnur á dag eftir fimm mánuði en hún er nú 1,6 milljónir tunna á dag.

Ekki er útlit fyrir annað en að framleiðslan muni halda áfram að dragast saman því erlend olíufélög eða erlent fjármagn koma ekki til landsins. Olíuiðnaðurinn þar í landi er í miklum vanda og leiðin virðist bara liggja niður á við.

Áður fyrr þótti efnahagur Venesúela vera traustur en samkvæmt því sem Alþjóðabankinn segir hefur hagkerfið dregist saman um helming á nokkrum árum.

Olía, sem er unnin í Venesúela, er þung og innheldur mikið af brennisteini. Til að hægt sé að selja hana þarf fyrst að þynna hana með léttari olíu, eins og er til dæmis unnin í Bandaríkjunum. En Venesúela er í þeirri stöðu að geta ekki keypt olíu því ekkert fjármagn er til. Auk þess eru engir varahlutir framleiddir fyrir olíuiðnaðinn. Olíuiðnaðurinn er því smám saman að lognast út af. Þeir sem geta yfirgefa landið, þar á meðal starfsfólk í olíuiðnaðinum, og auka þar með enn á vandræðin.

Erlendar skuldir Venesúela eru 196 milljarðar dollara en ríkisstjórnin gerir ekkert til að reyna að greiða af lánunum. Pólitísk og efnahagsleg krísa er í landinu og neyðarástand ríkir. Skortur er á matvælum, lyfjum, rafmagn er skammtað og verðbólgan er í hæstu hæðum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Veiktust báðar – „Ég var alltaf veik, hárið á mér var að hrynja af mér“

Veiktust báðar – „Ég var alltaf veik, hárið á mér var að hrynja af mér“
Fréttir
Í gær

Helga Rún lýsir grimmdinni í Reykjavík – Veik kona höfð að athlægi: „Ég sá að hún var pissublaut, vissi ekkert hvar hún væri eða hvað væri að gerast“

Helga Rún lýsir grimmdinni í Reykjavík – Veik kona höfð að athlægi: „Ég sá að hún var pissublaut, vissi ekkert hvar hún væri eða hvað væri að gerast“
Fréttir
Í gær

Dóttir Sifjar var vistuð í fangaklefa í geðrofi: „Erfiðasta sem ég hef upplifað að horfa upp á litlu stelpuna mína í þessum aðstæðum“

Dóttir Sifjar var vistuð í fangaklefa í geðrofi: „Erfiðasta sem ég hef upplifað að horfa upp á litlu stelpuna mína í þessum aðstæðum“
Fréttir
Í gær

Ugla segir samtökin boða að það sé betra að börn hugsanlega deyi en séu trans

Ugla segir samtökin boða að það sé betra að börn hugsanlega deyi en séu trans
Fyrir 2 dögum

Svarthöfði: Rimma mín við mannanafnanefnd

Svarthöfði: Rimma mín við mannanafnanefnd
Fréttir
Fyrir 2 dögum

Ekki hægt að auka kaupmátt launþega í næstu kjarasamningum

Ekki hægt að auka kaupmátt launþega í næstu kjarasamningum