Hárgreiðslumaðurinn Daryll Rowe var dæmdur í 12 ára fangelsi fyrir að vísvitandi smita elskhuga sína af HIV án þess að þeir vissu að Rowe væri smitaður. Er hann fyrsti einstaklingurinn í Bretlandi sem er dæmdur í fangelsi fyrir að smita aðra af HIV en dæmi eru um slíkt í öðrum löndum, þar á meðal Þýskalandi og Bandaríkjunum.
Breska dagblaðið Metro greinir frá að hinn 27 ára gamli Rowe hafi verið sakfelldur í 10 ákæruliðum, fimm alvarlegar líkamsárásir og fimm tilraunir til alvarlegra líkamsárása.
Rowe komst að því að hann væri HIV jákvæður í apríl 2015 og fór á stefnumótaforritið Grindr þar sem hann reyndi að stunda kynlíf með eins mörgum körlum og hann gat. Vitni sögðu að hann hefði alltaf krafist þess stunda kynlíf án smokks og að hann væri ekki smitaður. Ef hann þurfti að nota smokk þá mun hann hafa stungið á þá gat. Stundum notaði hann dulnefni. Eftir á átti Rowe það svo til að senda fórnarlömbum sínum SMS þar sem hann sagði þeim að þeir væru nú smitaðir.