fbpx
Miðvikudagur 19.desember 2018
Fréttir

Hann sagði frá leyndarmálinu – Síðan átti hann stefnumót við dauðann

Kristján Kristjánsson
Mánudaginn 16. apríl 2018 18:00

Andrei Zheleznyakov

„Ég settist á stól og sagði við strákana: Það náði mér.“ Þetta sagði Andrei Zheleznyakov um slysið sem endaði með stefnumóti hans við dauðann. Hann starfaði við þróun hins hræðilega taugaeiturs Novichok en 1987 fóru hlutirnir úrskeiðis, skelfilega úrskeiðis. Eftir því sem Zheleznyakov sagði þá varð slys á rússneskri tilraunastofu 1987 og sagðist hann samstundis hafa vitað að nú væri öllu lokið.

„Ég sá hringi fyrir mér. Rauða og appelsínugula. Og það hringdi í eyrum mér á meðan ég andaði. Ég var hræddur því ég vissi að eitthvað myndi gerast.“

Sagði hann í samtali við rússneska dagblaðið Novoye Vremya.

En allt var þetta leyndarmál því enginn mátti vita að Rússland var að þróa hið stórhættulega taugaeitur Novichok. Af þeim sökum var slysinu og ástandi Zheleznyakov leynt, allt þar til hann ákvað sjálfur að skýra frá málinu og upplýsa allt saman.

Vissi að hann myndi deyja

Fimm árum eftir slysið í rannsóknarstofunni ákvað Zheleznyakov að stíga fram og leggja spilin á borðið í samtali við Novoye Vremya.

Í The Guardian er haft eftir Vil Mirzayanov, sem er sérfræðingur í efnavopnum, að Zheleznyakov hafi skýrt frá öllu sem hann vissi því hann hafi ekki verið hræddur við neitt, hann hafi vitað að dagar hans voru taldir. Aðeins ári eftir að viðtalið var tekið lést Zheleznyakov. Hann hafði þá barist við skorpulifur, taugaskaða, flog og lifrarbólgu.

Rússnesk stjórnvöld höfðu ákveðið að rétta yfir honum í kjölfar blaðaviðtalsins en hættu við þar sem ljóst var að Zheleznyakov ætti ekki langt eftir.

Rússar neita enn að þeir hafi þróað Novichok en Vesturlönd standa fast á því að uppruna eitursins megi rekja til Sovétríkjanna sálugu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 20 klukkutímum

Gripinn með 50 fölsuð strætókort: Fullt verð á einu korti er 64 þúsund krónur

Gripinn með 50 fölsuð strætókort: Fullt verð á einu korti er 64 þúsund krónur
Fréttir
Fyrir 21 klukkutímum

Dómkirkjuprestur skilur ekkert í Miðflokksmönnum og vísar á „hið alsjáandi auga drottins“

Dómkirkjuprestur skilur ekkert í Miðflokksmönnum og vísar á „hið alsjáandi auga drottins“
Fréttir
Í gær

Bára bjóst ekki við að þingmenn Miðflokksins myndu mæta í dómssal í gær – „Er það ekki pínu stíllinn í dag að nenna ekki að mæta þessa dagana?“

Bára bjóst ekki við að þingmenn Miðflokksins myndu mæta í dómssal í gær – „Er það ekki pínu stíllinn í dag að nenna ekki að mæta þessa dagana?“
Fréttir
Í gær

Telja ummæli sérfræðings á Grensásdeild geta vakið ótta

Telja ummæli sérfræðings á Grensásdeild geta vakið ótta
Fréttir
Fyrir 2 dögum

Inga fékk erfitt símtal 20 mínútum fyrir þingfund: „Það hreinlega þyrmdi yfir mig“ – Af hverju er þetta svona?

Inga fékk erfitt símtal 20 mínútum fyrir þingfund: „Það hreinlega þyrmdi yfir mig“ – Af hverju er þetta svona?
Fréttir
Fyrir 2 dögum

Bára mætir fyrir héraðsdóm í dag – Biður fólk um að mæta ekki í gulum vestum

Bára mætir fyrir héraðsdóm í dag – Biður fólk um að mæta ekki í gulum vestum