Halldóra Dröfn Gunnarsdóttir, framkvæmdastjóri Barnaverndar Reykjavíkur, hefur sagt starfi sínu lausu og hættir í lok júní. Greint er frá þessu á vef RÚV.
Halldóra vildi ekki tjá sig um ástæður þess að hún sé að hætta, en Regína Ástvaldsdóttir, sviðsstjóri á velferðarsviði borgarinnar, sagði að starfslokin tengdust fyrirhuguðum breytingum á barnaverndarstarfi í borginni.
Líkt og DV hefur greint frá var Guðmundur Ellert Björnsson stuðningsfulltrúi á vegum Barnaverndar Reykjavíkur handtekinn í janúar grunaður um að hafa brotið gegn minnst sjö börnum. Þolendur og ættingjar þeirra hafa fullyrt við fjölmiðla að lögreglu og Barnaverndar hafi verið tilkynnt um brot Guðmundar en ekkert hafi verið aðhafst.
Sjá einnig: Guðmundur Ellert – Í varðhaldi með barn á leiðinni
Sjá einnig: Skipulagði vændisstarfsemi meðfram starfi hjá Barnavernd
Í nóvember í fyrra var Alexander Manrique Elíasson handtekinn fyrir að hafa skipulagt umfangsmikla vændisstarfsemi á meðan hann starfaði hjá Barnavernd Reykjavíkur.