Fréttir

Fær að nota sæði úr látnum eiginmanni sínum

Ritstjórn DV skrifar
Þriðjudaginn 20. mars 2018 18:00

Fjörutíu og tveggja ára kona í Perth í Ástralíu hefur fengið samþykki fyrir því að fá afhent sæði úr eiginmanni sínum sem lést árið 2016. Maðurinn sem um ræðir var 53 ára en hann fékk hjartaáfall og komst ekki til meðvitundar.

Þegar læknar úrskurðuðu að heilastarfsemi væri nær engin og maðurinn kæmist ekki til meðvitundar var slökkt á öndunarvél sem hélt honum á lífi.

Fyrir dómi kom fram að konan og maðurinn, sem ekki eru nafngreind, hafi ætlað að ganga í hjónaband og eignast barn.

Áður en maðurinn fékk hjartaáfall hafði hann rætt við unnustu sína um að láta sæði í geymslu, en það gerði hann vegna þess að faðir hans og frændi höfðu dáið ungir úr hjartasjúkdómum. Óttaðist hann að sömu örlög myndu bíða hans eins og raunin varð.

Það var svo eftir andlát mannsins að læknar tóku sæði til varðveislu en vafi lék á því hvort konan hefði rétt á að nota það. Nú hefur dómstóll úrskurðað að konan megi nota sæðið í tæknifrjóvgun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af