Traust almennings til þjóðkirkjunnar, lögreglu og dómskerfisins hrynur milli ára samkvæmt niðurstöðum þjóðarpúls Gallup. Á sama tímabili eykst traust landsmanna á Alþingi, Fjármálaeftirlitinu, Umboðsmanni skuldara, borgarstjórn Reykjavíkur, bankakerfinu og heilbrigðiskerfinu.
Líkt og fyrri ár nýtur Landhelgisgæslan mest trausts, en 91% traust landsmanna. 80% treysta svo Embætti forseta Íslands.
77% treysta lögreglunni sem er 8 prósentustiga lækkun frá því í fyrra. 36% treysta dómskerfinu sem er 7 prósentustiga lækkun á milli ára og 30% treysta þjóðkirkjunni, sem er 8 prósentustiga lækkun á milli ára.
29% treysta Alþingi sem er 7 prósentustiga hækkun á milli ára, 24% treysta borgarstjórn Reykjavíkur sem er 5 prósentustiga aukning á milli ára. Bankakerfið fer svo úr 14% í 20%.
Könnunin var gerð var dagana 7. til 19. febrúar 2018. Heildarúrtaksstærð var 1.429 og þátttökuhlutfall var 56,4%.