Sigmundur Davíð Gunnlaugsson, fyrrverandi forsætisráðherra, greinir frá því á Facebook-síðu sinni að hann hafi ekki fallið vel í hópinn í Eistlandi, líkt og hann hafði vonast til. Hann segir að þar í landi sé til siðs að karlmenn gangi ekki með regnhlíf, sem hann gerði þó.
„Ákvað að fara í smá göngutúr í rigningunni í Tallinn áður en ég hitti allt Evrópufólkið til að tala um Evrópumál (#parleu2017). Byrjaður að kynna mér eistnesku og siði heimamanna og ætlaði að reyna að falla í hópinn. Það gekk ekki.
„Daman á hótelinu lét mig ekki vita að í Eistlandi nota karlmenn ekki regnhlíf. Konur gera það yfirleitt (þegar rignir). Karlmenn aldrei. Karl með regnhlíf = túristi. Á eistnesku heitir þetta dedgiivavei,“ skrifar Sigmundur Davíð en eitthvað virðist stafsetningin hafa skolast til því ekkert kemur upp á Google sé leitað að „dedgiivavei“.