Davíð Oddsson, ritstjóri Morgunblaðsins, leggur pólitísku línurnar á því blaði svo eftir er tekið. Í forsætisráðherratíð Sigmundar Davíðs Gunnlaugssonar var Davíð duglegur að styðja við Sigmund, líka þegar hann hrökklaðist úr embætti í fyrra. Ekki hefur Bjarni Benediktsson ætíð fengið jafn dyggan stuðning frá Hádegismóum.
Því verður forvitnilegt að sjá hvaða línu Davíð tekur á næstu vikum, hvort hann muni áfram styðja við bakið á Sigmundi Davíð eða einhenda sér í öflugan stuðning við Bjarna Benediktsson. Hið síðarnefnda hlýtur að teljast líklegra, enda mikið í húfi fyrir Sjálfstæðisflokkinn.