Fréttir

Fólk gerir sér að leik að gefa Burger-inn eina stjörnu

Vaktstjóri þakkar stuðninginn

Ágúst Borgþór Sverrisson
Laugardaginn 23. september 2017 16:00

„Núna leikur fólk sér að því að gefa okkur 1 stjörnu á facebook án þess að vita mína hlið,“ skrifar Brynjar Arnarson, vaktstjóri á veitingastaðnum Burger-inn í Hafnarfirði, en hann lenti í deilum við viðskiptavin í síðustu viku sem gaf staðnum slæma einkunn. Hafa orðaskipti þeirra vakið mikla athygli.

Eins og DV greindi frá í síðustu viku var Jakub Clark ósáttur við matinn á Burger-inn en þangað fór hann og snæddi með tveimur vinum sínum. Jakub gaf matnum afar slaka einkunn á Facebook-síðu staðarins og skrifaði: „Allt var brennt, beikonið gæti mögulega brotið glugga, kjúklingaborgarinn þurr og brauðið orðið blautt af sósunni, starfsmaður slökkti ljós meðan við vorum að borða. Mæli ekki með!“

Þetta leiddi til mjög hraðra orðaskipta milli Jakubs og vaktstjórans Brynjars Arnarsonar sem benti á að Jakub og vinir hans hefðu klárað allan matinn sinn og ekki gert neina athugasemd á staðnum. Hin hörðu orðaskipti urðu til þess að Brynjar sá tilefni til að biðjast afsökunar á framgöngu sinni eins og DV greindi frá í annarri frétt.

Mótlætið styrkir okkur

Brynjar hefur nú stigið fram aftur og fer yfir málið í nýjum pistli á Facebook. Þar þakkar hann stuðning margra sem hann hefur fengið í þessari deilu en greinir jafnframt frá því að sumir geri sér nú leik að því að gefa Burger-inn aðeins eina stjörnu í einkunn síðan málið kom upp:

TAKK fyrir stuðninginn! Er mjög þakklátur fyrir þá sem nenna að lesa mína hlið.
Ég er búinn að læra verulega mikið í þessari viku og allt mótlæti er ætlað til þess að styrkja okkur í lífinu.

Seint á mánudagskvöld koma 3 strákar saman á BURGERINN og KLÁRA allan matinn sem þeir pöntuðu. Einn þeirra hann Jakub finnst ekkert sjálfsagðara en að gefa okkur 1 stjörnu og slæma umsögn á Facebook. Hann hafði fullan rétt til þess að drulla yfir okkur en það sem slær mig er að klára allan matinn og fara út án þess að segja orð. Hann hefði fengið gjafabréf eða afsökunarbeiðni inn á staðnum hefði hann talað við mig.

Jakub er tilbúinn að drulla yfir aðra en þá verður hann að vera tilbúinn að taka því að það sé drullað yfir hann. Ég hreinlega valtaði yfir hann og það voru MISTÖK. Ég notaði ljót orð sem virkuðu svona rosalega vel. Ég baðst afsökunar á því sem ég sagði strax daginn eftir og er ánægður að hafa gert það.

Núna leikur fólk sér af því að gefa okkur 1 stjörnu á Facebook án þess að vita mína hlið.

Lífið heldur áfram! Og munið: Þakklæti gerir lífið betra, það er mín skoðun. Er þakklátur fyrir skilninginn. Grillið er heitt frá 11 til 22 alla daga vikunnar á Burgerinn. Góða helgi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Ívar Pétur leitar að dóttur sinni: Hún er fundin

Ívar Pétur leitar að dóttur sinni: Hún er fundin
Fréttir
Í gær

Öryggismál í lamasessi á Reykjavíkurflugvelli: „Það var öryggishurð þarna þegar ég var þarna í síðustu viku“

Öryggismál í lamasessi á Reykjavíkurflugvelli: „Það var öryggishurð þarna þegar ég var þarna í síðustu viku“
Fréttir
Fyrir 2 dögum

5 lög sem gætu orðið þjóðsöngur Íslands

5 lög sem gætu orðið þjóðsöngur Íslands
Fréttir
Fyrir 2 dögum

Hjálparsveit skáta boðið í BDSM-partý

Hjálparsveit skáta boðið í BDSM-partý
Fréttir
Fyrir 2 dögum

Siggi hakkari hefur aðgang að haftasvæði: „Fólki finnst þetta ekki viðeigandi“

Siggi hakkari hefur aðgang að haftasvæði: „Fólki finnst þetta ekki viðeigandi“
Fréttir
Fyrir 2 dögum

Barnaníðingur varamaður í stjórn: „Nei, ég vissi það ekki, þetta er vinur hans Sigga“

Barnaníðingur varamaður í stjórn: „Nei, ég vissi það ekki, þetta er vinur hans Sigga“
Fréttir
Fyrir 3 dögum

Arna fékk að vita á sama tíma að hún væri barnshafandi og með krabbamein: „Eigum bara eitt líf og við eigum að njóta þess“

Arna fékk að vita á sama tíma að hún væri barnshafandi og með krabbamein: „Eigum bara eitt líf og við eigum að njóta þess“
Fyrir 3 dögum

Hvernig komst Siggi inn á flugbrautina?

Hvernig komst Siggi inn á flugbrautina?