Gústav Níelsson sagnfræðingur stendur nú í stappi við við spænska ríkið. Gústav flutti nýverið til San Miguel de Salinas á Spáni til að „þurfa ekki aftur að skafa bílrúður“ en aðlögunin virðist ætla að taka tíma, bæði að náttúrunni og landinu. Gústav var illa bitinn af moskítóflugum en þakkar líkamsþrótti sínum og góðri umönnun það að hann sé nú á batavegi. Nú segir hann frá því að skattheimtumenn ríkisins hafi gert „ósvífna og ómálefnalega“ kröfu á þau hjónin. Hann segir að „hörkustríð“ sé í vændum en vill ekki gefa upp hver krafan sé.