Sveinn Gestur neitaði sök

Málið þingfest í Héraðsdómi Reykjavíkur í morgun

Neitaði sök í morgun.
Sveinn Gestur Tryggvason Neitaði sök í morgun.
Mynd: Soundcloud

Sveinn Gestur Tryggvason neitaði sök í Héraðsdómi Reykjavíkur í morgun þegar ákæra gegn honum var þingfest. Sveinn er ákærður fyrir stórfellda líkamsárás í Mosfellsdal þann 7. júní síðastliðinn, en Arnar Jónsson Aspar lést í kjölfar árásarinnar.

RÚV greinir frá þessu á vef sínum. Sveinn er sá eini sem ákærður er í málinu en sex voru handtekin eftir árásina. Í ákærunni er Sveini Gesti gefið að sök að hafa haldið höndum Arnars fyrir aftan bak og notað líkamsþunga sinn til að halda honum föstum. Þá hafi hann tekið hann hálstaki og slegið hann í höfuðið.

Þetta hafi valdið því að Arnar hafi látið lífið vegna minnkunar á öndunarhæfni sem olli stöðukæfingu.

Fjölskylda Arnars fer fram á 63 milljónir króna í bætur frá Sveini Gesti.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.