Einn stálheppinn miðaeigandi var með allar tölurnar réttar í Powerball-lottóinu í Bandaríkjunum, en dregið var í gærkvöldi. Potturinn var óvenju stór að þessu sinni, eða 758,7 milljónir Bandaríkjadala, rétt tæpir 82 milljarðar króna.
Vinningsmiðinn var keyptur í verslun Handy Variety í Watertown í Massachussetts. Vinningstölurnar voru 6, 7, 16, 23 og 26, en ofurtalan var 4.
Potturinn í gærkvöldi er sá næststærsti í sögu Bandaríkjanna en sá stærsti var árið 2016, 1,6 milljarðar Bandaríkjadala. Þrír skiptu með sér þeim potti.
Í frétt AP kemur fram að miðaeigandinn frá útdrættinum í gærkvöldi hafi möguleika á að fá vinninginn greiddan út í 30 hlutum á næstu 29 árum. Kjósi hann að fá alla upphæðina greidda í einu lækkar hún í 443,3 milljónir dala, tæpa 48 milljarða króna.