Svo virðist sem aðgengi að salernum komi ekki með öllu í veg fyrir að ferðamenn kúki á víðavangi líkt og meðfylgjandi myndir sýna. Íslensk kona frá Fáskrúðsfirði deildi á Facebook-síðu sinni þessum myndum en í samtali við DV baðst undan því að tengja nafn sitt við skítverk ferðamannsins.

Myndirnar voru teknar í Fáskrúðsfirði einungis í um fimm mínútna göngufæri frá tjaldsvæði með almenningssalerni. Að sögn konunnar sem tók myndirnar var maðurinn í stórum hópi hjólreiðamanna og því hefði það sennilegast tekið hann um mínútu að hjóla á salernið. Ekki nóg með að ganga örnu sinna fyrir allra sjón, þá skildi ferðamaðurinn klósettpappír og saur eftir.

Í sumar hefur verið fluttar fjöldi frétta um ferðamenn sem hægja sér á víðavangi. Skemmst er að minnast ferðakonu sem kúkaði við Hörpuna meðan Jazzhátíð Reykjavíkur stóð yfir. Annar ferðamenn kúkaði hjá Reykjanesbrautinni og náðist á upptöku. Annar var gripinn í miðjum klíðum þar hann var að kúka í Hallargarðinum.