Menningarnótt
Menningarnótt verður sett formlega í hádeginu í dag en fyrsti viðburður hátíðarinnar er Reykjavíkurmaraþon sem ræst er í Lækjargötu kl. 8:40 með heilmaraþoni og hálfmaraþoni, en keppendur í 10 km hlaupi eru ræstir kl. 9:40.
Setning Menningarnætur fer fram við Vigdísarstofnun, á horni Brynjólfsgötu og Suðurgötu, þar sem undirritaður verður samningur um styrki Reykjavíkurborgar til Vigdísarstofnunar. Dagskráin í Vigdísarstofnun er eftirfarandi:
12:20 Skuggamyndir frá Býsans
12:30 Borgarstjóri setur Menningarnótt
12:35 Auður Hauksdóttir óskar gestum gleðilegrar menningarhátíðar og kynnir Múltíkúltíkórinn og stjórnandann Margréti Pálsdóttur
12:40 Múltíkúltíkórinn syngur
12:45 Rektor Háskóla Íslands vígir torgið
12:50 Vigdís Finnbogadóttir, fyrrverandi forseti, gróðursetur tréð – rektor og borgarstjóri eru henni til liðssynis.
Mathöll verður opnuð á Hlemmi í dag og er til frambúðar en þar selja hinir ýmsu aðilar veitingar og mat í hæsta gæðaflokki. Vonir standa til að Mathöllin muni glæða mjög mannlíf á Hlemmi.
Allar konar menningarviðburðir eru á dagskrá í miðbænum í allan dag en kl. 20 í kvöld hefjast tónleikarnir Tónaflóð við Arnarhól þar sem fjölmargar vinsælar hljómsveitir koma fram og stemning Menningarnætur nær hámarki. Tónleikarnir standa til 23 og í lok þeirra verður flugeldasýning.
Sjá nánar um feykilega fjölbreyta dagskrá Menningarnætur hér.