Spænska lögreglan leitar nú ákaft að 22 ára gömlum Marokkómanni, Younes Abouyaaqoub, en hann er talinn hafa verið ökumaður sendibíls sem ekið var á hóp vegfaraenda á Römblunni í Barcelona í vikunni með þeim afleiðingum að 13 létu lífið og um yfir 50 slösuðust. Meðal látinna var 3ja ára gömul stúlka.
Áður var talið að hinn 17 ára gamli Maghrebi Driss Oukabir væri ökumaðurinn en svo reyndist ekki vera. Hann var hins vegar einn árásarmannanna og hefur lögreglan skotið hann til bana.
Í tengslum við rannsókn málsins hefur lögreglan leyst upp 12 manna hryðjuverkahóp í Barcelona og eru meðlimir hans nú ýmist látnir eða í haldi lögreglu, fyrir utan Younes Abouyaaqoub, en óttast er að hann hafi komist undan til Frakklands.
Sjá nánar á Skynews.
