„Samfylkingin var alltaf mjög vont nafn á stjórnmálaflokki. Það var líka hugsað til algjörra bráðabirgða á sínum tíma. Samfylking minnir á eitthvað frá því á millistríðsárunum, þá voru alls konar „fylkingar“ í gangi. Það var meira að segja ómur af gamalli sögu, sem einhverjir mundu ennþá fyrir aldamótin, í nafninu – frá því þegar kommar og kratar gerðu tilraunir til að fylkja sér saman.“

Þetta segir Egill Helgason í nýjum pistli á Eyjunni.. Egill segir þetta vera góðan tíma fyrir Samfylkinguna til að skipta um nafn núna þegar flokkurinn hefur náð botninum en virðist heldur vera á uppleið:

„Það er ekki þar með sagt að flokkurinn verði stór á ný, en hann á þó ákveðin sóknarfæri nú þegar Björt framtíð og Viðreisn eru undir hælnum á Sjálfstæðisflokknum,“ skrifar Egill og leggur til að flokkurinn heiti annaðhvort Jafnaðarmannaflokkur eða Jafnaðarflokkur.