Eboni Williams, þáttastjórnandi á Fox News-sjónvarpsstöðinni, hefur fengið ítrekaðar hótanir eftir að hún gagnrýndi Donald Trump Bandaríkjaforseta á dögunum.
Williams kemur reglulega fram í þættinum The Specialists á Fox News þar sem hún heldur úti dagskrárlið sem kallast Eboni‘s Docket. Í síðasta þætti sínum gagnrýndi hún viðbragðsleysi Trumps vegna atburðanna í Charlottesville um liðna þar sem hvítir þjóðernissinnar stóðu fyrir fjöldasamkomum. Sagði hún að Trump hefði meðal annars sýnt af sér „heigulsskap“ auk þess að kalla hann rasista.
Williams segir við Variety að undir venjulegum kringumstæðum fái hún 10 til 15 tölvupósta eftir hvern þátt. Á mánudag biðu hennar hins vegar 150 tölvupóstar og allir nema þrír, að sögn Williams, innihéldu niðrandi orð og hótanir. Í kjölfarið hefur hún kallað eftir því að fá aukna vernd hjá starfsmönnum öryggisdeildar Fox.
Þrátt fyrir hótanirnar segist hún t í viðtalinu við Variety standa við þau orð sem hún lét falla. Trump þurfi einfaldlega að tala skýrar gegn rasisma.