Að minnsta kosti 48 manns slösuðust þegar tvær farþegalestir lentu í árekstri klukkan 07.15 að staðartíma. Fimm eru sagðir lífshættulega slasaðir.
El Mundo og fleiri fjölmiðlar segja frá þessu. Í tilkynningu frá yfirvöldum kemur fram að lestarstjórarnir séu alvarlega slasaðir. Önnur lestin var að koma frá Sant Vicenc de Calders og lenti í árekstri við hina á Estación de Francia.
Fram hefur komið að svo virðist sem lestarstjóri fyrrnefndu lestarinnar hafi ekki hemlað þegar hann ók inn á lestarstöðina en þar var hin lestin kyrrstæð.
Að minnsta kosti 18 manns hafa verið fluttir á sjúkrahús og tugir fá aðhlynningu á vettvangi.
