Matvælastofnun bendir hundaeigiendum á að skilja hunda ekki eftir í bílum þegar heitt er í veðri. Hundar þola hita afar illa og geta fengið hitaslag eða drepist á skömmum tíma.
Samkvæmt 21. grein reglugerðar um aðbúnað gæludýra má ekki skilja hund eftir í eða á flutningstæki án eftirlits ef hitastig getur farið yfir +25°C eða undir -5°C, og aldrei má skilja hund einan eftir í flutningstæki ef hann sýnir merki um vanlíðan.
„Hitastig í bílum sem sólin skín á getur mjög fljótt farið upp fyrir 25°C, jafnvel þótt gluggar séu opnir. Gætum vel að dýrunum okkar svo allir geti notið góðviðrisins,“ kemur jafnframt fram í tilkynningu MAST.
