Sænskur ferðamaður lést á eyjunni Kos í gærkvöldi í jarðskjálfta sem reið yfir Eyjahaf. Tyrkneskur ferðamaður lést einnig að sögn grískra yfirvalda. Norskur ferðamaður slasaðist alvarlega á eyjunni Kos og er nú verið að flytja hann á sjúkrahús.
Norska ríkisútvarpið skýrir frá þessu. Fram kemur að ættingjum Norðmannsins hafi verið gert viðvart um málið. Sænski ferðamaðurinn var 27 ára. Sænska utanríkisráðuneytið hefur þó ekki enn staðfest lát hans en grískir fjölmiðlar hafa skýrt frá þessu nú í morgun.