Það verður vart við nokkra reiði á samfélagsmiðlum vegna ljósmyndatöku íslenska kvennalandsliðsins í knattspyrnu. Liðið var á leið út til Hollands í gær og því tekin mynd í tröppum flugvélarinnar eins og hefð er orðin. Reiðin blossaði upp vegna þess að þjálfarateymið, þrír karlmenn, standa fremst og finnst sumum þeir skyggja á landsliðskonurnar.
Afhverju stilla þrír karlar sér upp þarna FYRIR FRAMAN ÞÆR? Í alvöru sko ? #svoþreytt #stelpurnarokkar https://t.co/0wlXyDhRkZ
— Þórunn Ólafsdóttir (@Thorunnolafsd) July 14, 2017
Edda Sif Pálsdóttir fréttakona hjá RÚV segir á Twitter: „Reynum að sverta geggjaðan dag hjá kvennalandsliðinu, draga athyglina frá því með e-u bulli og köllum okkur svo femínista. Eða bíddu?“ Hún segir ennfremur ekkert að því að menn sem velja það að starfa við kvennaknattspyrnu og geri frábæra hluti standi fremst.
Hjörvar Hafliðason, útvarpsmaður, gerir lítið úr þessu uppþoti. „Annars ekkert að marka Twitter. Lítið mengi. Bara við sportlúðar og svo góða fólkið.“