Slagsmál á Hrauninu: „Ég beit af honum vörina“

Baldri Kolbeinssyni og Styrmi Haukdal lenti saman með blóðugum afleiðingum

Slagsmálin áttu sér stað á útisvæði fangelsisins og þeim lauk með því að Baldur Kolbeinsson beit efri vörina af samfanga sínum, Styrmi Haukdal.
Litla-Hraun Slagsmálin áttu sér stað á útisvæði fangelsisins og þeim lauk með því að Baldur Kolbeinsson beit efri vörina af samfanga sínum, Styrmi Haukdal.

Til alvarlegra átaka kom á Litla-Hrauni í miðri viku sem endaði með því að fangi beit efri vörina af samfanga sínum. Atvikið átti sér stað á meðan útivistartíma fanganna stóð, nánar tiltekið á gervigrasvelli við fangelsið. Hinn slasaði var þegar fluttur undir læknishendur á meðan gerandinn var látinn sæta einangrun.

Spýtti stykkinu út úr sér

Samkvæmt heimildum DV hófst atburðarásin þannig að föngunum Baldri Kolbeinssyni og Styrmi Haukdal Snæfeld Kristinssyni varð sundurorða. „Þeir voru að rífast um fíkniefni og síðan fóru þeir að slást. Það reyndi einn fangi að stíga inn á milli en sá fékk þung högg frá báðum aðilum. Hann er með gervigóm sem brotnaði í þrjá hluta,“ segir sjónarvottur í samtali við DV. Að hans sögn hafði Styrmir betur í slagsmálunum og hafði barið Baldur „í spað“ þegar að blóðugum endalokunum kom. Þessu lauk með þeim hætti að Styrmir tók sér stöðu klofvega yfir Baldri og hugðist halda barsmíðunum áfram þegar Baldur reisti sig upp og beit í andlit Styrmis. Náði Baldur að bíta efri vör Styrmis og beit hana í sundur af öllu afli. Hann spýtti síðan stykkinu út úr sér á gervigrasið.

[[6A2FDB668F]]

Herma heimildir að Styrmir hafi orgað af sársauka og fossblæddi úr honum, meðal annars yfir Baldur. Fangaverðir brugðust fljótt við og tóku Baldur úr umferð en Styrmi var veitt aðhlynning. „Það var hrikalegt að sjá Styrmi skríða alblóðugan um gervigrasið í leit að stykkinu úr efri vörinni,“ segir sjónarvotturinn. Þegar Baldur var dreginn í burtu öskraði hann hróðugur: „Ég beit af honum vörina.“

Samkvæmt heimildum DV tókst læknum að sauma vörina aftur á Styrmi.

Viltu lesa meira? Þú getur strax lesið þessa grein og aðrar í heild sinni hér á DV.is með því að ýta á „Sjá meira“ og nýta þér hagstæða áskriftartilboð frá aðeins 928 kr. á mánuði.
Sjá meira »
Gleymt lykilorð?
Auglýsing

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.