Sérsveit ríkislögreglustjóra var kölluð út í gærkvöldi eftir að vegfarandi tilkynnti um rörasprengju í strætóskýli á Hlíðarvegi í Kópavogi. Í tilkynningu sem lögreglan birti á Facebook-síðu sinni um miðnættið fjarlægði sérsveitin rörasprengjuna enda geta þær valdið miklum skaða.
„Vel fór í þessu tilfelli, en lögreglan hvetur foreldra til að ræða við börnin sín um hættuna sem stafar af rörasprengjum og undirstrika að það sé alls ekki hreyft við þeim með neinu móti.
Lögreglan vill hrósa áðurnefndum vegfaranda fyrir að tilkynna málið til lögreglu, en það eru sömuleiðis rétt viðbrögð í aðstæðum sem þessum,“ segir lögreglan í tilkynningunni.