Jón Trausti Lúthersson hefur verið látinn laus úr haldi.
Jón Trausti Lúthersson hefur verið látinn laus úr haldi eftir að Hæstiréttur féllst ekki á áframhaldandi gæsluvarðhald yfir honum í dag. Hann hefur verið í haldi í fjórar vikur vegnar rannsóknar á aðild hans að manndrápi í Mosfellsbænum.
Hann hefur verið grunaður um að vera einn þeirra sem réð Arnari Jónssyni Aspar bana að Æsustöðum. RÚV greindi fyrst frá og hefur heimildir fyrir því að Jón Trausti liggi ekki undir sterkum grun að aðild að manndrápi.
Sveinn Gestur Tryggvason er því, samkvæmt RÚV, einn grunaður um að hafa ráðið Arnari bana. Verjandi Jóns Trausta, Sveinn Andri Sveinsson, segir í viðtali við RÚV að hann geri ráð fyrir því að Jón Trausti verði látinn laus síðar í dag.