Foreldrar stúlku sem svipti sig lífi ásaka eineltisgerendur – Sjáðu Facebook-síðuna hennar
Fjölskylda 15 ára stúlku í Bedford, Pennsylvaniu, sem hengdi sig mánudaginn 19. júní, hefur sent frá sér sláandi skilaboð til skólafélaga hennar sem fólkið sakar um að hafa lagt hana í einelti. Í dánartilkynningu um Sadie Riggs sem birtist á netinu segir meðal annars að fjölskyldan vilji koma ákveðnum upplýsingum á framfæri til að kveða niður orðróm um andlát hennar:
„Já, Sadie tók eigið líf, hún hengdi sig. Það er erfitt að skilja hvernig svona ung manneskja getur verið svo örvingluð. Sadie leitaði sér hjálpar, fékk ráðgjöf og lyf, en þessi unga sál höndlaði ekki allt sem á hana var lagt.“
Fjölskyldan sendir síðan hvöss skilaboð til meintra eineltisgerenda:
„Til ykkar sem tóku þátt í eineltinu: Ykkur tókst að láta hana finnast hún einskis virði. Við viljum láta ykkur vita að þó að við fyrirlítum framferði ykkar þá munum við aldrei óska þess að þið eigið eftir að upplifa þann lamandi sársauka sem heltekur okkur, sársauka sem er svo ákafur að hann gerir okkur erfitt fyrir að draga andann.“
Minningarsíða um Sadie hefur verið sett upp á Facebook:
Minningarsíða um Sadie