Yfirleitt nokkuð gott veður
Prýðilegasta veður er á höfuðborgarsvæðinu í dag og viða annars staðar. Í hádeginu var 14 stiga hiti í Reykjavík og hæg norðanátt. Á norðaustur- og austurlandi er sólbjart, hæg norðaustanátt en hiti nokkuð lágur. Nokkur væta er framundan í vikunni en sólarkaflar inni á milli og veður í heildina fremur kyrrt.
Samkvæmt veðurlýsingu Veðurstofunnar verður veðrið svona í vikunni:
„Á þriðjudag, miðvikudag og fimmtudag:
Hæg vestlæg eða breytileg átt. Bjartviðri á köflum, en víða síðdegisskúrir, einkum inn til landsins. Hiti víða 8 til 15 stig.
Á föstudag:
Suðlæg átt, skýjað með köflum, en allvíða síðdegiskúrir. Hiti breytist lítið.
Á laugardag:
Útlit fyrir austlæga átt með vætu á köflum syðst á landinu, en annars úrkomulítið. Áfram milt í veðri.