Andri Ólafsson tilkynnti samstarfsfólki sínu þetta í dag
Andri Ólafsson, aðstoðarritstjóri Fréttablaðsins, tilkynnt samstarfsfólki sínu á blaðinu í dag að hann væri hættur störfum frá og með deginum í dag samkvæmt upplýsingum DV. Hann tók við því starfi í ágúst í fyrra. Andri vildi ekki tjá sig um málið þegar DV sóttist eftir viðbrögðum hans.
Andri hefur lengi starfað hjá 365 en áður en hann var ráðinn aðstoðarritstjóri Fréttablaðsins í fyrra var hann ritstjóri Íslands í dag. Þá var hann fréttastjóri á Fréttablaðinu um nokkurt skeið.
Fjarskipti, móðurfélag Vodafone, keypti allar eignir og rekstur 365 miðla í mars, að undanskildum eignum tengdum útgáfu Fréttablaðsins og tímaritsins Glamour.