Tjaldað á himnum

Sex manna hópur kleif Kirkjufell í Grundarfirði og sló upp búðum á fjallinu

Morgunsólin vermir tjaldbúðirnar á toppi Kirkjufells.
Tjaldað á himnum Morgunsólin vermir tjaldbúðirnar á toppi Kirkjufells.
Mynd: Ólafur Már Björnsson

Hlaupahópurinn taldi ekki eftir sér að skokka upp fannirnar í Ljósufjöllum.
Í Ljósufjöllum Hlaupahópurinn taldi ekki eftir sér að skokka upp fannirnar í Ljósufjöllum.
Mynd: DV ehf / Sigtryggur Ari
Sumarnætur á norðurhjara draga ólíklegasta fólk fram úr fylgsnum sínum. Hann var reyndar nokkuð líklegur, hópurinn sem hittist við rætur Kirkjufells í Grundarfirði, eitt sólbjart föstudagskvöld nú í júní. Ætlunin var að klífa fjallið, sem eins og margir þekkja er nokkuð bratt og tignarlegt, og slá upp búðum á toppnum til þess að fá notið sólseturs og sólarupprásar með útsýni yfir Breiðafjörðinn og eyjarnar, ásamt hluta af Snæfellsnesinu, Jöklinum og Helgrindum ofan Grundarfjarðar.

Óumdeildir leiðtogar í þessum sex kvenna og manna hópi voru þeir Tómas Guðbjartsson og Ólafur Már Björnsson, sem eru prímusar í Félagi íslenskra fjallalækna, FÍFL.

Kirkjufellið er tignarlegt og víðfrægt kennileiti.
Kirkjufell Kirkjufellið er tignarlegt og víðfrægt kennileiti.
Mynd: DV ehf / Sigtryggur Ari

Ekkert slór

„Síðast þegar ég kom hér upp þá blasti það við mér hversu gaman væri að tjalda hérna uppi eina fallega nótt,“ segir Tómas.

Nú var áliðið kvölds og ekki mátti slóra til þess að missa ekki af sólsetrinu, sem standa átti yfir rétt upp úr miðnætti.
Uppgangan sjálf er nokkuð brött, með klettabeltum. Fastar línur eru til staðar á fjórum stöðum þar sem fjallið er erfiðast yfirferðar. Klifrið er hreint ekki óyfirstíganlegt, en réttur búnaður og einhver reynsla er nauðsynleg. Fjallið er ekki fyrir lofthrædda. Á toppnum var slegið upp búðum og fagnað. Hópurinn hafði stutta hvíld og hélt svo niður strax í morgunsárið.

Það er rétt að vanda sig á fjallinu.
Uppgangan Það er rétt að vanda sig á fjallinu.
Mynd: DV ehf / Sigtryggur Ari

Snæfellsjökull og Ljósufjöll

Morguninn eftir skipti hópurinn sér upp. Ólafur Már og hans fólk héldu áleiðis upp á Snæfellsjökul á fjallaskíðum í blíðskaparveðri. Tómas fór svo við þriðja mann til þess að leiðsegja þrjátíu manna hópi maraþonhlaupara úr Hlaupahópi Grafarvogs í ferð yfir Snæfellsnesið, frá bænum Borg í suðri, yfir Ljósufjöll og Botna-Skyrtunnu og ofan í Álftafjörð í norðri. Tuttugu kílómetra ferð með alls um 1.300 metra hækkun.

Himinn var aftur heiður og hópurinn keikur. Við látum myndirnar tala sínu máli, sem margar eru teknar af Ólafi Má Björnssyni.

Hópurinn festi snarlega niður tjöldin og fagnaði svo með léttum veitingum.
Búðum slegið upp Hópurinn festi snarlega niður tjöldin og fagnaði svo með léttum veitingum.
Mynd: DV ehf / Sigtryggur Ari

Miðnætursólin í Grundarfirðinum sveik engan.
Miðnætursól Miðnætursólin í Grundarfirðinum sveik engan.
Mynd: Ólafur Már Björnsson

Greinarhöndur fikrar sig niður línuna.
Sömu leið til baka Greinarhöndur fikrar sig niður línuna.
Mynd: Ólafur Már Björnsson

Hlaupahópurinn taldi ekki eftir sér að skokka upp fannirnar í Ljósufjöllum.
Í Ljósufjöllum Hlaupahópurinn taldi ekki eftir sér að skokka upp fannirnar í Ljósufjöllum.
Mynd: DV ehf / Sigtryggur Ari

Ljósufjallaeldstöðin sker sig úr á Snæfellsnesinu með sínum ljósa blæ.
Líparítskriðurnar Ljósufjallaeldstöðin sker sig úr á Snæfellsnesinu með sínum ljósa blæ.
Mynd: DV ehf / Sigtryggur Ari

Norðurhlíðar Ljósufjalla eru snævi þaktar.
Norðurhlíðar Norðurhlíðar Ljósufjalla eru snævi þaktar.
Mynd: DV ehf / Sigtryggur Ari

Hlaupahópurinn sæll og glaður á toppnum.
Á toppnum Hlaupahópurinn sæll og glaður á toppnum.
Mynd: DV ehf / Sigtryggur Ari

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.