Milt hefur verið í veðri á landinu undanfarna daga og Veðurstofa Íslands gerir ráð fyrir áframhaldandi hlýindum. Af því tilefni vekur Veðurstofan athygli á að gera megi ráð fyrir leysingum um mestallt land. Veðurstofan sagði á fimmtudag að byrjað væri að vaxa í ám og lækjum vegna hlýinda. Í dag, föstudag, og á laugardag og sunnudag verður hiti víðast hvar um og yfir 10 stig. Eftir helgi mun þó kólna á nýjan leik.