Launahæstu bæjarstjórarnir: Haraldur með 1,9 milljónir í Mosfellsbæ

Fær tæpar 1,7 milljónir sem bæjarstjóri og tæpar 250 þúsund sem bæjarfulltrúi á mánuði

Bæjarstjóri Mosfellsbæjar.
Haraldur Sverrisson Bæjarstjóri Mosfellsbæjar.

Þriðji á lista yfir launahæstu bæjarstjórana í úttekt DV er Haraldur Sverrisson, bæjarstjóri Mosfellsbæjar, með alls 1.945 þúsund krónur á mánuði í dag.

DV óskaði eftir og birtir í helgarblaðinu laun og hlunnindi fjórtán bæjarstjóra víðs vegar um landið. Upplýsingar sem ekki eru sundurliðaðar í ársreikningum sveitarfélaganna. Þar kemur meðal annars fram að launahæstu bæjarstórar landsins fá hærri laun en forsætisráðherra, nokkrir þeirra launahæstu þiggja bæði full laun sem bæjarstjórar og bæjarfulltrúar.

Haraldur fær tæpar 1,7 milljónir króna á mánuði sem bæjarstjóri og tæplega 250 þúsund krónur því til viðbótar sem bæjarfulltrúi. Þar að auki hefur hann bifreið í eigu bæjarins til afnota, en rúmlega 9.400 manns búa í Mosfellsbæ. Líkt og fram kemur í umfjöllun DV um málið virðist oft lítið samræmi í launum bæjarstjóra og íbúafjölda sveitarfélaganna.


3. Mosfellsbær

Bæjarstjóri: Haraldur Sverrisson

Mánaðarlaun sem bæjarstjóri: 1.698.055 kr.
Laun sem bæjarfulltrúi: 247.769

Alls á mánuði: 1.945.824 kr.

Annað:
Bæjarstjóri hefur bifreið í eigu bæjarins til afnota.

Heildarárslaun 2016: 17.317.576 kr.
Heildarárslaun 2015: 16.388.460 kr.


Listann yfir laun fjórtán bæjarstjóra má finna í heild sinni í helgarblaði DV.

Sjá einnig:

Bæjarstjórar á ráðherralaunum

Launahæsti bæjarstjóri landsins: Ármann Kr. fær 2,2 milljónir á mánuði í Kópavogi

Vel greitt í Garðabæ: Gunnar fær 2,1 milljón á mánuði

Viltu lesa meira? Þú getur strax lesið þessa grein og aðrar í heild sinni hér á DV.is með því að ýta á „Sjá meira“ og nýta þér hagstæða áskriftartilboð frá aðeins 928 kr. á mánuði.
Sjá meira »
Gleymt lykilorð?
Auglýsing

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.