Skömmu fyrir miðnætti var maður handtekinn í heimahúsi í Hafnarfirði eftir að tilkynnt var um heimilisofbeldi. Hann var vistaður í fangageymslu vegna rannsóknar málsins. á fjórða tímanum í nótt voru tveir ungir menn handteknir í Garðabæ en þeir eru grunaðir um innbrot í gáma. Þeir voru vistaðir í fangageymslu.
Ölvaður maður var handtekinn við Bústaðaveg um klukkan tvö í nótt en hann er grunaður um greiðslusvik og rangar sakargiftir. Hann var vistaður í fangageymslu vegna rannsóknar máls.
Tveir ökumenn voru handteknir í nótt, grunaðir um ölvun við akstur. Annar þeirra reyndist einnig vera réttindalaus en hann hafði ekki endurnýjað ökuréttindi sín. Einn ökumaður var handtekinn í nótt, grunaður um akstur undir áhrifum áfengis og fíkniefna.
