Ökumenn í vímu
Nóttin var róleg hjá lögreglunni á höfuðborgarsvæðinu en þó ekki alveg tíðindalaus. Lögreglumenn höfðu afskipti af fjórum einstaklingum sem eru grunaðir um vörslu fíkniefna. Nokkrir einstaklingar létu það ekki aftra sér frá því að aka bifreiðum að þeir höfðu neytt áfengis eða fíkniefna.
Fjórir ökumenn voru handteknir í nótt grunaðir um að vera ekki í ástandi til að aka. Þrír þeirra eru grunaðir um að hafa ekið undir áhrifum fíkniefna og einn um að hafa verið undir áhrifum áfengis.