Amancio Ortega ber höfuð og herðar yfir aðra í úttekt Sunday Times
Breska blaðið Sunday Times birti á dögunum árlegan lista yfir ríkustu einstaklinga heims, en sjónum var einkum beint að auðmönnum í Bretlandi. Eins og DV fjallaði um á þriðjudag var Björgólfur Thor Björgólfsson fjárfestir í 89. sæti yfir ríkustu einstaklinga Bretlands með eignir metnar á 1,45 milljarða punda, rétt tæplega 200 milljarða króna. Í blaðinu var einnig fjallað um aðra milljarðamæringa á meginlandi Evrópu. Hér að neðan má sjá stutta samantekt yfir ríkustu Evrópubúana samkvæmt úttekt Sunday Times.
Auðæfi: 8.764 milljarðar
Aldur: 81
Spánverjinn Amancio Ortega ber höfuð og herðar yfir aðra Evrópubúa á lista Sunday Times. Auðæfi hans eru talin vera tæplega tvöfalt meiri en auðæfi næsta manns á listanum. Ortega er stofnandi Inditex-fatafyrirtækisins sem er einna best þekkt fyrir eignarhald á verslunarkeðjunni Zöru.
Auðæfi: 4.858 milljarðar
Aldur:68 ára
Arnault er stjórnarformaður og innsti koppur í búri hjá hjá franska fyrirtækinu LVMH, sem á fjölmörg fyrirtæki sem framleiða lúxusvarning. Meðal þeirra má nefna tískufyrirtækið Louis Vuitton auk kampavínsframleiðandans Moët og Chandon og koníaksframleiðandans Hennessy svo dæmi séu tekin. Það þarf vart að taka það fram að Arnault er ríkasti maður Frakklands.
Auðæfi: 4.610 milljarðar
Aldur: 43 ára
Sergey, sem fæddur er í Sovétríkjunum en með rússneskt og bandarískt ríkisfang, er líklega best þekktur fyrir að vera meðstofnandi Google ásamt Larry Page. Brin er forseti Alphabet Inc., sem er móðurfélag Google. Brin er fjórtándi ríkasti maður heims samkvæmt úttekt Sunday Times.
Auðæfi: 4.389 milljarðar
Aldur: 94 ára
Liliane Bettencourt er stundum kölluð guðmóðir L‘Oréal snyrtivöruveldisins, en hún er erfingi þessa stóra fyrirtækis sem faðir hennar stofnaði árið 1909. Fyrirtækið er til dæmis fyrirferðarmikið á sviði hárvöru og annarrar snyrtivöru. Fyrirtækið er eitt það stærsta á sínu sviði í heiminum. Bettencourt og börn hennar fara með þriðjungshlut í fyrirtækinu.
Auðæfi: 4.251 milljarður
Aldur: 50 og 55 ára
Systkinin Stefan Quandt og Susanne Klatten eru talin vera ríkustu Þjóðverjarnir. Þau eru erfingjar BMW-ökutækjaframleiðandans en faðir þeirra er af mörgum talinn hafa bjargað fyrirtækinu frá vísu gjaldþroti upp úr miðri 20. öldinni og gert það að því veldi sem það er í dag.
Auðæfi: 4.209 milljarðar
Systkinin eru börn Þjóðverjans Karls Albrecht sem stofnaði smásölurisann Aldi árið 1946 ásamt bróður sínum. Fyrirtækið rekur í dag 10 þúsund verslanir í átján löndum og veltir tugum milljarða evra á ári hverju. Albrecht eldri lést árið 2014 og erfðu systkinin auðæfi föður síns.
Auðæfi: 3.864 milljarðar
Aldur: 91 árs
Ingvar Kamprad þekkja eflaust margir Íslendingar en hann er maðurinn á bak við IKEA-veldið sem hann stofnaði árið 1943. Þrátt fyrir ríkidæmi sitt er Ingvar nægjusamur og spreðar hann peningunum sínum ekki í neinn óþarfa. Kamprad sagði sig úr stjórn IKEA árið 2013 og tóku synir hans þrír við keflinu hjá IKEA.
Auðæfi: 3.105 milljarðar
Henkel-fjölskyldan í Þýskalandi rekur samnefnda verslunarkeðju sem framleiðir vörur til neytenda og til notkunar í iðnaði. Meðal þess sem fyrirtækið framleiðir má nefna Persil-þvottaefni og Scwarzkopf-hárvörur. Fyrirtækið velti 18 milljörðum evra á síðasta ári og rúmlega 50 þúsund manns starfa fyrir fyrirtækið.
Auðæfi: 3.064 milljarðar
Aldur: 46 ára
Dumas er framkvæmdastjóri og stjórnarformaður franska lúxusvörufyrirtækisins Hermés sem stofnað var árið 1837. Undir hans stjórn hefur velgengni fyrirtækisins aukist gríðarlega en Dumas tók við stjórnartaumunum árið 2013. Veltan eftir fyrsta ár hans í starfi nam 4 milljörðum evra.
Auðæfi: 2.857 milljarðar
Aldur: 76 ára
Fissolo er ekkja Michele Ferrero sem var eigandi súkkulaðifyrirtækisins Ferrero SpA. Faðir Michele stofnaði fyrirtækið árið 1946, en í dag er Ferrero líklega einna best þekkt fyrir framleiðslu sína á Kinder-eggjum og Nutella.