„Í ljósi ágreinings milli mín og meirihluta þingflokks Pírata varðandi innra skipulag þingflokksins hef ég ákveðið að stíga til hliðar sem þingflokksformaður Pírata. Við vorum með ólíka sýn á hvert þingflokkurinn ætti að stefna og því held ég að það sé farsælast að annar taki við því starfi. Hlakka til að gerast óbreyttur þingmaður á ný, en þá gefst meiri tími til að vinna að þeim málefnum sem eru mér hugleikin, segir Ásta Guðrún Helgadóttir, þingmaður Pírata í tilkynningu á Pírataspjallinu.

Ásta Guðrún var skipuð þingflokksformaður flokksins þann 30.janúar síðastliðinn. Einar Brynjólfsson var þá skipaður varaþingflokksformaður og má því búast við hann hækki í tign.