Taska fannst skammt frá torginu Grønland, í samnefndu hverfi í Osló síðustu nótt. Norska lögreglan telur líklegt að taskan hafi innihaldið sprengju.
Þetta kemur fram á vef NRK

Lögreglan handtók mann fyrir grunsamlega hegðun rétt áður en að taskan fannst og leiddi sú handtaka til fundar hennar.

Maðurinn á að hafa komið töskunni fyrir á torginu og hefur nú stöðu grunaðs manns.
Málið er í höndum öryggisdeildar norsku ríkislögreglunnar, sem annast rannsóknir á meintum hryðjuverkum.

Eyddu töskunni

Sprengjudeild norsku lögreglunnar var kölluð til. Hún eyddi töskunni í heilu lagi, þ.e. sprengdi hana í stað þess að reyna að aftengja sprengjuna sem á að hafa verið innan í.

Mikill viðbúnaður Hér sést sprengjudeild norsku lögreglunnar að störfum, auk vopnaðra sérsveitarmanna. Viðbrögðin við fundi töskunnar voru skjót, enda er talið að um tilraun til hryðjuverks hafi verið að ræða.

Því er ekki hægt að staðfesta að um sprengju hafi verið að ræða, en það er talið afar líklegt þar sem hvellurinn sem kom er töskunni var eytt var verulega hár. Mun hærri en ef um annað innihald hefði verið að ræða.