Frumvarpið er ádeila á herta fóstureyðingalöggjöf
Frumvarpið sem gengur undir nafninu „Réttur karla til að vita“ er nú skrefi nær því að verða að lögum eftir að það var á dögunum tekið til umræðu í fulltrúadeild ríkisþingsins í Texas. Frumvarpið var lagt fram af Jessica Farrar þingkonu demókrata á ríkisþinginu.
Frumvarpið sem var sett fram sem ádeila á hert lög um fóstureyðingar. Ef frumvarpið verður samþykkt mega karlmenn einungis stunda sjálfsfróun undir eftirliti á viðurkenndum sjúkrastofnunum. Ef þeir stunda eftirlitslausa sjálfsfróun þurfa þeir að greiða 100 dala sekt. Slík sjálfsfróun telst samkvæmt frumvarpinu vera aðför gegn ófæddum börnum og vanvirðing á helgi lífsins. Einnig verður karlmönnum gert erfiðara fyrir að fara í ófrjósemisaðgerðir og kaupa stinningarlyf eins og Viagra.
Það sæði sem kæmi sem afleiðing af viðurkenndri sjálfsfróun undir eftirliti yrði, ef frumvarpið verður samþykkt, varðveitt í þeim tilgangi að frjóvga framtíðar- eða núverandi eiginkonu.
Eftir fyrsta lestur frumvarpsins hefur því nú verið vísað til nefndar um innanríkismál í Texasfylki. Þingkonan veit að frumvarp hennar á enga von um að verða lögum. Hún hefur kynnt það sem ádeilu á þau áhrif sem markviss heilbriðgðislöggjöf hefur á konur í fylkinu einkum varðandi fóstureyðingar.
Frumvarpið endurspeglar raunveruleg lög og takmarkarnir á heilbrigðisþjónustu sem konur í Texas þurfa að horfast í augu við á hverju löggjafarþingi.
Sú áhersla í frumvarpinu á að karlmenn haldi sig algerlega frá kynlífi kemur í kjölfar tillögu frá repúblikananum Tony Tinderhold um að fóstureyðingar verði gerðar að glæpsamlegu athæfi í Texas ríki, en það myndi auka líkurnar á að konur sýndu ábyrgari kynhegðun.