Samherji hefur selt allan hlut sinn í Þórsmörk ehf., sem er eigandi Árvakurs, útgefanda Morgunblaðsins, mbl.is og fleiri miðla, til Eyþórs Arnalds.
Um er að ræða 18,43 prósenta hlut sem Samherji átti í gegnum félagið Kattarnef. Þá kaupir Eyþór 6,14 prósenta hlut Síldarvinnslunnar og 2,05 prósenta hlut Vísis, eða alls 26,62 prósenta hlut.
Frá þessu er greint í Morgunblaðinu í dag. Þar segir að kaupin séu gerð með fyrirvara um að aðrir hluthafar falli frá forkaupsrétti.