Naglasprengja sprakk í neðanjarðarlestarkerfi St. Pétursborgar um tvöleytið í dag. Samkvæmt rússnesku fréttastofunni RIA eru að minnsta kosti tíu einstaklingar látnir og yfir fimmtíu særðir.
Greint er frá því að Vladimir Pútín hafi verið upplýstur um árásirnar en hann er staddur í borginni í tengslum við opinbera heimsókn Alexanders Lukashenko, forseta Hvíta-Rússlands.
„Fólki blæddi, hár þeirra brann. Okkur var sagt að koma okkur út úr lestinni, því að hún hafði stöðvast. Fólk flúði. Kærastan mín var í næsta vagni við þann sem sprakk. Hún sagði að allt hefði nötrað og þegar hún kom út þá sá hún illa sært fólk,“ segir sjónarvottur.
#Петербург #взрыв #метро pic.twitter.com/V79fSU7x4i
— 100% ПалСаныч ♐ (@cuprum_1) April 3, 2017