„Við fjölskyldan höfum skoða búsetuna á Stúdentagörðunum, og finnst rétt að víkja fyrir annarri fjölskyldu sem er ekki í jafn góðri stöðu og okkar fjölskylda. Það þykir almennt réttmætt að fólk fái þrjá mánuði til að skipta um búsetu og nú líða bráðum þrír mánuðir frá því að ríkisstjórnin var mynduð og ljóst að ég yrði áfram í þingstarfinu. Við fjölskyldan flytum því eins fljótt og verða má.“
Þetta segir Jón Þór Ólafsson þingmaður Pírata á bloggi sínu. Jón Þór hefur töluvert verið gagnrýndur fyrir að búa ásamt sambýliskonu á Stúdentagörðum.
„Það er konan mín sem leigir íbúðina en ekki ég. Það er hluti af hennar öryggi að hafa stúdentaíbúð og ekki hægt að spyrða það við manninn hennar,“ sagði Jón Þór í samtali við Fréttablaðið.
Þá segir Jón Þór jafnframt á bloggsíðu sinni sem nú hefur ákveðið að flytja:
„Við vörum við því að slíkt fordæmi verði að reglu því ekki eru allir í sambúð í eins öruggu sambandi eða með sameiginlegan fjárhag. Fólk verður að geta verið sjálfstætt þótt það sé í sambúð.“