„Ég var að fikta við sofandi smástelpur, það er alveg satt, og fyrir það er ég búinn að taka út minn dóm og hljóta mína refsingu.“
Þetta sagði Gunnar Jakobsson sem áður hét Roy Svanur Shannon í samtali við Útvarp Sögu árið 2012. Gunnar var í apríl árið 1997 dæmdur í fjögurra ára fangelsi fyrir kynferðisbrot gegn sex barnungum stúlkum og var það þyngsti dómur sem hafði fallið í barnaníðingsmáli hérlendis á þeim tíma en hann var einnig fundinn sekur um að hafa gífurlegt magn af barnaklámi undir höndum. Þá var Gunnar sakfelldur fyrir að hafa framleitt og deilt barnaklámi á vefnum en meðal þess sem kemur fram í dómi Héraðsdómi Norðurlands eystra er að Gunnar hafði tekið sum brota sinna upp á myndbandsupptökuvél.
Ári eftir þessa umfjöllun DV þann 10. janúar 2013 var Gunnar kærður fyrir að hafa haft um nokkurt skeið samtals 48.212 ljósmyndir og 484 myndskeið af barnaklámi. Árið 2016 var hann gripinn með tæplega 200 grömm af maríhúana og 45,58 grömm af kannabislaufum.
Í dómnum segir að samkvæmt framanlögðu sakavottorði hafi Gunnar ekki sætt áður refsingu. Það skal því tekið fram aftur að Gunnar hlaut eins og áður segir fyrir 20 árum einn þyngsta dóm sem kveðinn hefur verið upp í barnaníðingsmáli á þeim tíma. Við rannsókn málsins var eldra mál gegn Gunnari tekið upp en það mál má rekja til ársins 1991 en þá átti Gunnar að hafa áreitt barnungar stúlkur kynferðislega í sumarhúsi í Húsafelli. Það mál var kært árið 1992 en var fellt niður 1994. Eftir að hafa setið af sér dóminn breytti maðurinn sem þá hét Roy Svanur Shannon nafninu sínu í Gunnar Jakobsson og flutti til Danmerkur.
Þá segir einnig að þar sem málið hafi dregist hafi verið ákveðið að að skilorðsbinda alla refsinguna. Gunnar fékk 18 mánaða fangelsisdóm en haldi hann skilorð mun hann ekki þurfa að dvelja í fangelsi.
Í símaviðtalinu á Útvarpi Sögu um árið sagði Gunnar meðal annars að hann sé pedófíll og það sé jafn heimskulegt að ætla að koma í veg fyrir barnagirnd pedófíla eins og þegar reynt sé að „afhomma.“
Þá lét hann einnig þessi orð falla:
„Það hefur aldrei nokkurn tímann, nokkurt barn eða unglingur og reyndar ekki kona heldur, aldrei sagt við mig, stoppaðu, hættu, ekki gera þetta, má ekki gera þetta eða nokkuð í þá áttina, aldrei nokkurn tímann.“
