Fréttir

Svaf ölvunarsvefni í bílastæði fyrir framan lögreglustöðina í Keflavík

Viðurkenndi að hafa ekið undir áhrifum

Kristín Clausen skrifar
Föstudaginn 21. apríl 2017 15:40

Ökumaður sem lagt hafði í bifreiðastæði við lögreglustöðina í Keflavík í gærkvöld reyndist sofa ölvunarsvefni undir stýri þegar lögreglumenn ætluðu að taka hann tali.

Þetta kemur fram í tilkynningu frá lögreglustjóranum á Suðurnesjum. Þá segir að ökumaðurinn hafi viðurkennt að hafa ekið undir áhrifum áfengis.

Hann var færður inn á lögreglustöðina þar sem tekin var af honum skýrsla. Var ökumaðurinn síðan látinn sofa úr sér. Maðurinn gat ekki framvísað ökuskírteini og í bifreið hans fannst tveggja lítra flaska með meintum landa.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af