Rútubílstjóri með íslenskan hóp sofnaði undir stýri: Skall utan í vegrið á 90 km/klst hraða

Til allrar hamingju fór vel og allir farþegar sluppu ómeiddir

Ekið var á rútu á vegum þýska ferðaþjónustufyrirtækisins Aschenbrenner.
Rúta Ekið var á rútu á vegum þýska ferðaþjónustufyrirtækisins Aschenbrenner.
Mynd:

Litlu munaði að illa færi þegar rútubílstjóri sem ók með 49 manna íslenskan hóp í Króatíu dottaði við aksturinn. Afleiðingarnar voru þær að rútan fór yfir á öfugan vegarhelming og rakst þar utan í vegrið sem varð til þess að bílstjórinn vaknaði. Morgunblaðið greindi fyrst frá þessu í frétt sinni.

Hópurinn er staddur í Króatíu í ferð á vegum Bændaferða. Atvikið kom upp í fyrradag [þriðjudag] þegar verið var að aka frá Dubrovnik til Porec.

Farþegarnir voru skiljanlega mjög skelkaðir yfir uppákomunni. Ferðinni var samt haldið áfram með sama bílstjóra. Aðstæður buðu ekki upp á að sendur yrði nýr á staðinn, þar sem rútan stóð einfaldlega á miðri hraðbrautinni.

Í dag [föstudag] fær hópinn nýjan bílstjóra og verður ferðinni haldið áfram. Næsti áfangastaður er Salzburg í Austurríki og á sunnudaginn er förinni heitið til München þar sem flogið verður heim.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.