Stefnt er að því að byrja ferjusiglingar milli Akraness og Reykjavíkur seinni hluta maímánaðar. Sæferðir ehf. stefna að þessu en gert er ráð fyrir að siglingin taki 25 mínútur hvora leið.

Morgunblaðið fjallar um þetta í dag.

Um er að ræða tilraunaverkefni til sex mánaða og er gert ráð fyrir þremur ferðum á milli á hverjum virkum degi. Mun fólk, sem til dæmis er búsett á Akranesi en í vinnu eða skóla á höfuðborgarsvæðinu, geta nýtt sér siglingarnar.

Gunnlaugur Grettisson, framkvæmdastjóri Sæferða, segir að fyrirtækið hafi tekið á leigu hraðskreiða tvíbytnu sem getur komist á milli á 20 til 30 mínútum.